ҚМДБ төрағасы, Бас мүфти Наурызбай қажы Тағанұлы қабір басындағы бәсеке ретінде мазар салып жарысуды тоқтатып, ысырапқа жол бермеу үшін зираттарды бірізділікке келтіру жөнінде бастама көтерген болатын. Бүгінде жерлеу рәсімдері шариғат нормаларына және ата-баба дәстүріне сай болуымен бірге, өркениет көшінен де артта қалмауы керек.

Алдағы уақытта салттық қызмет көрсететін орталықтар ҚМДБ ұсынған үлгіге сай жұмыс жүргізсе, қабір басындағы келеңсіздіктер тоқтап, бірізділікке келеді деген ниетпен Байзақ ауданына қарасты мазараттардың кіре берісіне және «Байзақ баба» кесенесіне «QAMQOR-SHARAPAT» салттық қызмет көрсету орталығы ұсынған «Зиярат және зират тәртібі» жазылған тақтайша орнатылды.