Тұрар Рысқұлов аудандық «Сұлтан» мешітінің бас имамы Джадраев Сұлтаншәріп қажының ұйымдастыруымен орталық мешітте «Зияткер имам» тақырыбында семинар өтті. Семинарға ауыл имам-молдалары қатысты.

Ауданның бас имамы семинарда: «Діни қызметкердің кәсіби шеберлігі мен ұйымдастырушылық қабілеті жоғары, қоғамның ынтымағы мен бірлігін нығайтуға үлес қосатын «Зияткер имам» мәртебесіне лайық маман дайындау заман талабы. ҚМДБ осы Тұжырымдама арқылы діни қызметкердің білімді, білікті, жігерлі, жамағатты дұрыс жолға бастай алатын көрнекті тұлға болуына, іскер, шығармашылықта белсенді, өз ісін жетік меңгерген, қоғамды рухани кемелдендіретін «Зияткер имам» болуына ықпал етеді», - деп баса айтты.

 Қуаныш  Тузелбеков

Рысқұлов аудандық мешіттің баспасөз қызметі