Өткен жиында Меркі ауданына қарасты мешіттер 4 топқа бөлінген болатын. Меркі ауданы, Қызылқыстақ ауылы «Әл-Кәрим» мешітінде 6 мешіт қызметкерлері, яғни 1-ші топ имам-молдалары бас қосқан жиын өтті.

Жиын барысында, аудан имамы Азамат Берікұлы жауапты имамды бекітіп, бұлай бөлінудің себебін түсіндіріп өтті. Алдағы қызметтерінде табыс тілеп, бірқатар тапсырмалар берді.

Атап айтсақ, ҚМДБ-ның бекіткен бес бағытын жандандыру, жұма күні мешіт қызметкерлері ауысып «Көшпелі жұма уағызы» айдарын жүзеге асыру, мешіттің ішкі-сыртқы тазалықтарын қадағалау, мешіт жамағаттарын тығыз байланыстырып, бауырмашылдыққа баулу, айлық дастархан, спорттық ойындар сынды іс-шаралар ұйымдастыруды табыстады.

Алла Тағала имам-молдаларымыздың ниеттерін қабыл етіп, дін үшін істеп жатқан амалдарын сауаптан жазғай!

Меркі аудандық «Меркі ата» мешітінің баспасөз қызметі