Халықаралық қарттар күні – 1990 жылы 14 желтоқсанда ББҰ Бас ассамблеясында бекітіліп, жарияланды. Бұл мереке елімізде жыл сайын аталып өтіледі. Және оның аясында қарттарға құрмет көрсетіліп,түрлі форматтартағы іс-шаралар ұйымдастырылады. Осыған орай «Қордай» ауданы имамдары ауданымыздағы қарттарды мерекелерімен құттықтап, оларға сый-құрмет корсетіп, алғыс хаттар мен сый-сияпаттар тарту етті. Қарттарымыз өздерінін жылы лебіздерін білдіріп, дұға тілектерін арнады.

Үлкенді сыйлау, оларға құрмет көрсету ата-бабадан келе жатқан салтымыз. Дана халқымыз: «Қарттың сөзін қапқа сал»,- деп бекер айтпаған. Пайғамбарымыз (с.ғ.с) хадисінде: «Жастарымызға қамқорлық етпеген және үлкендерімізді құрметтемеген бізден емес»- деген. Қай діннің, қай ұлттың өкілі болса да, жасы үлкенге құрмет қылу мұсылмандық міндет!

Аудандық "Қордай" мешітінің баспасөз қызметі