Ислам діні өз қоғамын қуатты да айбынды болуы үшін, спортқа ерекше көңіл аударып, онымен айналысуға шақырады. Қасиетті Құранның 42 жерінде «қуат» сөзі кездеседі. 

Нәзік жанды жамағатты салауатты өмір салтына баулу, пайғамбарымыздың (Алланың салауаты мен сәлемі болсын) сүннетін насихаттау мақсатында ҚМДБ Жамбыл облысы бойынша "Әйел-қыздар" секторының ұйымдастыруымен "Тараз-Арена" спорт кешенінде волейбол ойыны ұйымдастырылды. 

Қыздар топқа бөлініп, тартысты ойын көрсетті. Айта кетейік, спорт қыз-келіншектердің денсаулығына ғана емес рухани тыныштығы, сергуі үшін де пайдалы. 

Ақерке БЕКҚҰЛОВА

"Һибатулла Тарази" мешітінің баспасөз қызметі