Жамбыл облысы Байзақ аудандық «Байзақ баба» мешітінің бас имамы Қанат Әділханұлы №8 Жамбыл облыстық жасөспірімдер спорт мектебінің бапкерлерімен кездесті.

Кездесуге №8 Жамбыл облыстық жасөспірімдер спорт мектебінің басшысы Аслан Асықбекұлы қатысып, бапкерлерге аудан бас имамын таныстырды.

Аудан бас имамы Қанат Әділханұлы: «Құрметті бапкерлер! Сіздердің спорт саласында еңбектеріңіз жоғары әрі нәтижелі болуда. Қаншама қазақстандық азаматтарымызды спортқа баулып өз ілімдеріңізді берудесіздер. Сіздерге Алла разы болсын! Спорт тәннің саулығы, демекші Пайғамбарымыз (оған Алланың салауаты мен сәлемі болсын) хадисінде: «Балаларыңа садақ атуды, атқа мінуді және жүзуді үйретіндер», - дейді. Спортпен шұғылданған адамның өмірге құштарлығы арта түседі», - деді. Кездесу соныңда бапкерлер бас имамға сұрақтарын қойып отырды.

 Байзақ аудандық мешітінің баспасөз қызметі