Жамбыл облысы Байзақ ауданы «Байзақ баба» мешітінде Жамбыл облысы әкімдігінің Дін істері басқармасы, аудан әкімдігінің Ішкі саясат бөлімі, Дене шынықтыру және спорт бөлімі және Бұқаралық спорт іс-шараларын өткізу орталығының ұйымдастыруымен «Дәстүрлі құндылықтар керуені» жобасы аясында мешіт жамағаттары арасында спорттық жарыс өткізілді.

Жарыстың өткізілудегі мақсаты жастарға салауатты өмір салтын насихаттау, жамағатты салт дәстүрге баулып, жат діни ағымдардан сақтандыру болып табылады. Жарыс спорттың бес түрінен өтті. Атап айтар болсақ, мас-рестлинг, арқан тарту, қол күресі, дартс, кір тасын көтеру спорттары бойынша өткізілді. Оған аудан тұрғындары мен мешіт жамағаттары қатысты.

Жарыс барысында Жамбыл облысы әкімдігі Дін істері басқармасының басшысы Мыңбаев Сәкен мырза мен аудан бас имамы Қанат Әділханұлы қатысып, құттықтау сөздерін сөйледі. Жарыс соңында жүлдегерлер мен жеңімпаздар ұйымдастырушылар тағайындаған дипломдар және сыйлықтармен марапатталды.

Байзақ аудандық мешітінің баспасөз қызметі