Жамбыл облысы Байзақ аудандық «Байзақ баба» мешітінің қызметкелері мешіт жамағатына Рамазан айы тақырыбында сұрақ-жауап ойыны өткізді.

Шараға аудан бас имамы Қанат Әділханұлы, «Байзақ баба» мешітінің найб имамы Есбанов Сержан және мешіт жамағаты қатысты.

Қанат Әділханұлы: «Осыған дейін сіздерге біз бесін намазында Рамазан айына қатысты сұрақтар бойынша дәріс жүргізген болатынбыз. Енді сол дәрістің нәтижесін көру үшін, біз жақтан сұрақтар қойылып сіздер жауап берулеріңіз керек.

Сұрақтарға жауап берген жамағатқа Мүфтият тарапынан жарық көрген кітап сыйға берілді.

Жалпы осы шарада он сұрақ қойылып, он кітап кәде-сый етілді.

Байзақ аудандық мешітінің баспасөз қызметі