Бүгін ауданға Жамбыл облысының бас имамы Бейбіт Әліпбекұлы Мырзагелдиев жұмыс сапарымен арнайы келіп аудан әкімінің орынбасары Сәбит Төлегеновпен кездесіп, аудандық мешіттің жаңа бас имамы Бадықов Ұзақбай Медетбайұлын таныстырды.

 Кездесу барысында алдағы жоспарлар талқыланып, облыстың бас имамы аудан әкімдігімен әрқашан бірлесе жұмыс істеуге әзір екендігін жеткізді.

 Аудан әкімінің орынбасары С.Төлегенов жаңа келген бас имамға жаңа қызметіне сәттілік пен табыс тілеп, мешіт шараларына әркез қолдау көрсетіп келетінін айтып, бұдан ары да аудандық мешітпен өзара ынтымақта болатындығын жеткізді.

 Жиынға Жамбыл облыстық мешіттің бірінші наиб имамы Нұралы Бақытұлы мен аудан әкімдігінің ішкі саясат бөлімінің бас маманы Ардақ Алимов қатысты.

Қуаныш КӨБЕНҒАРАЕВ,

«Мойынқұм таңы».