Тұрар Рысқұлов ауданы Құлан ауылындағы Мүмкіндігі шектеулі жандарды сауықтыру мекемесіне ауданның бас имамы Джадраев Сұлтаншәріп қажы арнайы барып науқас жандар мен мүгедек жандардың хәл-жағдайларын сұрап, зиярат жасады. Сонымен қатар, оларға уақыт бөліп, бір сәт отырып шүйіркелесіп әңгімелесті және сауықтыру орталығына аудандық мешіт атынан кілемдер табыс етті.

Қайырымдылық - көмекті қажет етушілерге білдірілетін сүйішпеншілік пен нақты көмек. Қайырымдылық ізгіліктің анық көрінісі болып табылады. Қайырымдылық— адамның асыл қасиеттерінің бірі. Кісінің айналасындағы адамдарға деген ықыласы мен көмегін, адамгершілік қарым-қатынастарын білдіреді. Қайырымдылық ұғымының екі қыры бар. Бірі — рухани-экономикалық жағы (басқаның басына түскен ауыртпалықты қабылдау), Екіншісі — іс-тәжірибелік жағы (іс жүзінде нақты көмек беруге ұмтылу).

 Қуаныш Тузелбеков 

Рысқұлов аудандық мешіт баспасөз қызметі