Қайырымдылық жасаудан қанаты талмай, қайта құштарлана түсетін Шу ауданына қарасты қала және ауыл мешіттерінің имамдар қайырымдылық жасады. Бұл істің бұрынғыларынан өзгешелігі мешіт қызметкерлері 200 мың теңге қаржы жиып, 20 азық-түлік себетін осынша отбасыға таратуға ұйытқы болды.

«Берекелі жұма» акциясы аясында өткен шараға Жамбыл облысының бас имамы Бейбіт қажы Әліпбекұлы қатысып, алынған азық-түлік себеттерін әлеуметтік осал топтың өкілдеріне таратты. Аудандық «Жәми» мешітінің ауласында өткен игі шарада облыстың бас имамы  сабырлық турасында уағыз айтып, көмек алушыларға қолдау көрсетті. Сондай-ақ сауапты іске ұйысқан имам-молдаларға алғысын білдірді.

Өз кезегінде қажетті қорға қол жеткізген отбасылар да ризашылықтарын білдіріп,  жылы тілектерімен бөлісті.

Шу аудандық «Жәми» мешітінің баспасөз қызметі