Жамбыл облысы Меркі ауданына «Нұр-Мүбарак» Египет ислам мәдениеті университетінің аға оқытушысы, исламтанушы-теолог, РАНТ мүшесі Ризабек Батталұлы келді.

Меркі ауданы «Меркі ата» орталық мешітіне арнайы келген Ризабек Батталұлын, «Меркі ата» мешітінің бас имамы Азамат Берікұлы ұстазды жамағатқа таныстырып, сөз тізгінін ұсынды. Ризабек Батталұлы жиналғандарды қасиетті шағбан айымен құттықтап, «Алланы тану» жайында уағыз айтып, кеңінен түсіндірді.

Ауданның әр түпкірінен жиналған жамағат көкейкесті сауалдарын қойып, дəйекті жауаптарын алды. Көпшіліктің жүрегін толқытып, рухани азық сыйлаған кездесу жұртшылықтың Алла Тағалаға деген сүйіспеншілігін арттырды.

Меркі аудандық «Меркі ата» мешітінің баспасөз қызметі