Тұрар Рысқұлов ауданына қарасты Жаңатұрмыс ауылының тұрғыны және «Қожай баба» мешітінің имамы Жанболат Аубакиров отбасымен бірге аудандық «Парасатты отбасы» байқауына қатысып бірінші орынды иеленді.

Бұл байқауда «өнерлі отбасы», «алғыр отбасы» деген сияқты бірнеше номинациялар болды. Аудан бойынша 70 ке жуық отбасы қатысқан бұл жарыста Жанболат имам отбасымен бірге «шебер отбасы» номинациясы бойынша 1-ші орынды ұтып алды.

Сонымен қатар облыстық «Парасатты отбасы» байқауына жолдама алды. Әріптесімізге алдағы жарыстарда сәттілік серігі болуына тілектеспіз.

 Қуаныш Тузелбеков

Т.Рысқұлов аудандық мешіттің баспасөз қызметі