Осы жылдың 24 маусымында Түркияда мерзімінен бұрын президент пен парламент сайлауы өткізіледі.

Дәл сайлау өтетін күні алкогольді ішімдіктерді сатуға тыйым салынады. Бұл жөнінде елдің Жоғары сайлау комиссиясы мәлімдеген.

Сонымен қатар, 24 маусым күні Түркия аумағында ойын-сауық орталықтары мен қоғамдық тамақтану орындары жабылатын болады.

Сондай-ақ, бұл күні үйлену тойлары мен басқа да мерекелік рәсімдерді өткізуге тыйым салынады.

Естеріңізге сала кетсек, Түркияда алдыңғы парламет сайлауы 2015 жылдың қараша айының басында өткізілген. Сол кезде сайлаушылардың 49,41% өз дауыстарын қазіргі басқарушы Әділеттік пен даму партиясына берген болатын.

asyldin.kz