Тараз қалалық «Кеңесхан қажы» мешітінде маусымның 5 мен тамыз айының 5 аралығында жазғы тарбие сағаты – сауат ашу курсы өткізіліп, өз мәресіне жетті. САК-та 7-15 жас аралығындағы ұл-қыздардан құралған үш топ оқытылды. Онда  Құран әліппесімен қатар, иманның, исламның шарттары, әдеп әліппесі және Пайғамбарымыз  Мұхаммедт3ң (с.а.у) өмірбаяны үйретілді.

        Жас өрендерімізді ата-баба дініне баулу, имандылыққа, әдептілікке тәрбиелеу мақсатында жүргізілген курста мектеп оқушыларына ата-ананы, мұғалімді, қоғамды құрметтеуді, адамгершілік пен отансүйгіштіктің маңыздылығы жөнінде тәлім берілді.

САК барысында шәкірттер Құран әліппиін еркін жүргізіп оқуды үйреніп, имандылық  дәрістерден сусындады. Соңғы  дәрісте  ата- аналар балаларының кейінгі  уақыттарда  да  имандылық  дәрістеріне келіп, мешіттен аяқ үзбеуін қадағалайтынын айтып, ұстаздарға алғыстарын білдірді.

Тараз қалалық «Кеңесхан қажы» мешіті