Ораза айттың құрметіне «Һибатулла Тарази» мешітінде 60 адамға  көмек көрсетілді.

Аталған қайырымдылық іс-шарасында әлеуметтік жағдайы төмен отбасыларға, мүгедек, көпбалалы, жалғызбасты аналарға 10 000 теңгеден ақшалай жәрдем берілді.

Аталған қаражатты осы мешіттің бас есепшісі Ұлбосын Оразбаев мен ҚМДБ-ның Жамбыл облысындағы Қыздар, әйелдер секторының өкілі Зейнеп Үсенова және мешіт іс басқарушысы Халид Қожахметов табыстады.

Мешіт атынан 50 кісіге жәрдем жасалса, Қыздар, әйелдер секторы 10 отбасының жыртығына жамау болды.

Көмек алған жанұялар алғыстарын айтып, қуанышты тарқасты.

Ақерке БЕКҚҰЛОВА,

«Һибатулла Тарази» мешітінің баспасөз қызметі.