Аудандық «Қордай» мешітінің дін қызметкерлерінің ұйымдастыруымен ауданымызға арнайы түрде ҚМДБ ғұламалар кеңесінің, РАНТ мүшесі және белгілі ғалым Ерсін Әміре ат басын тіреді. Ерсін Әміренің аудандағы қысқа да өте пайдалы сапары аудан бойынша қызмет етіп жатқан қазақ тілді имам-молдаларға еркін форматта өткізілген семинардан басталды. Семинар барысында имам-молдалар Ерсін ұстазға жамағат арасында  күрделі сұрақтар қойып, әрқайсысына дәлелді жауаптар алды. Ерсін Әміре дін қызметкерлеріне аманат жайлы уағыз айтты.

Ақшам намазы уақытында қадірменді қонақ аудандық «Қордай» мешітінде аудан бойынша жамағаттармен жүздесіп, «жүрек дерттері» атты тебіренді уағызын айтып, жамағатты дән риза қылды. Уағыз соңында Ерсін Әміре жамағаттың сұрақтарына жауап беріп, бірнеше көкейкесті мәселелердің түйінін тарқатты.

Аудандық «Қордай» мешітінің

баспасөз қызметі