Орталық «Һибатулла Тарази» мешітінде ақшам намазынан кейін уағыз өтті. Аталған насихатты «Нұр Мүбарак» университеті жанынан ашылған «Экстремизм мен терроризмнің алдын алу саласында мамандарды қайта даярлау» институтын тәмәмдаған осы мешіттің наиб имамы Бахтияр Амиреев жүргізді.

Жиында жат ағым мәселесі, «Салаф» сөзінің шығу тарихы, қазіргі жат ағымдардың ұстанымы жайы сөз болды.

Қоғамда етек жайған ағымдар мен дәстүрлі дініміздің ара-жігін дәлелдеген уағыз жамағаттың көкірек көзін ашқан-ды.

Жиналған жұртшылық күмәнді мәселелерге байланысты сауалдарын қойып, нақты жауаптар ала алды. Осындай насихаттардың септігімен ел арасында ата дінімізді дұрыс танудың ілгерлеп келе жатқаны қуантарлық жайт.

Ақерке БЕКҚҰЛОВА

«Һибатулла Тарази» мешітінің баспасөз қызметі