Меркі, ОТБАСЫ БЕРЕКЕСІ – ҚОҒАМ ТҰРАҚТЫЛЫҒЫНЫҢ НЕГІЗІ

Тәтті ауылдық мешітінің имамы Дулат Абдуманап «Ажырасудың алдын алу» тақырыбында насихат айтты.

Насихат барысында имам отбасының қоғамдағы орны мен некенің қасиеттілігіне тоқталып, ерлі-зайыптылар арасындағы түсіністік, өзара құрмет пен кешірімділіктің маңызын түсіндірді. Сонымен қатар отбасындағы келіспеушіліктерді сабырмен шешу, ашуға ерік бермеу және бала тәрбиесіне екеуінің де жауапкершілікпен қарауы қажеттігін атап өтті.

Дінімізде отбасы бірлігін сақтау, ерлі-зайыптылардың ақысын құрметтеу ерекше мәнге ие. Осы орайда имам ажырасуға асықпай, отбасындағы мәселелерді ақылдасу, мәмілеге келу арқылы шешуге шақырды.

Насихаттың негізгі мақсаты – отбасы құндылықтарын дәріптеу, ажырасудың алдын алу және қоғамда берік шаңырақтардың көбеюіне үлес қосу.

Меркі аудандық «Меркі ата» мешітінің баспасөз қызметі