25 қазан – Республика күніне орай Ойтал ауылында кіші футболдан жарыс ұйымдастырылды.
Спорттық шара «Намазхана» мешітінің имамы Олжабаев Жанболаттың ұйымдастыруымен өтіп, ауыл жастары мен мектеп оқушыларының басын қосты.
Тартысты өткен бәсекеде командалар өзара бақ сынап, спорттық шеберліктерін көрсетті. Жарыс қорытындысы бойынша жүлделі орындар төмендегідей бөлінді:
- І орын – «Қайран 25» командасы;
- ІІ орын – 1997 жылғы ауыл жастары;
- ІІІ орын – мектеп оқушылары.
Іс-шараның мақсаты – Республика күні мерекесін атап өту, жастар арасында салауатты өмір салтын насихаттау, достық пен бірлікті нығайту.
Жарысқа қатысқан барлық командаларға алғыс білдіріліп, жеңімпаздарға ізгі тілектер айтылды. Осындай игі бастамалар ауыл жастарының ынтымағын арттырып, ұлттық мерекенің мәнін айшықтай түседі.
Меркі аудандық «Меркі ата» мешітінің баспасөз қызметі



19 Қараша 2026
8 Джумада-сани 1448

