«Жарас ата» мешітінің имамы Әбдуали Бейсеналиев  Құдай асқа жиналған көпшілікке «Ас беру мәдениеті» тақырыбында тағылымды насихат айтты.

Насихат барысында ас берудің діни мәні мен тәрбиелік маңызы түсіндіріліп, марқұмдарға дұға бағыштау, ас үстіндегі әдеп пен қарапайымдылық мәселелері сөз болды.

Сонымен қатар ас беру кезінде бәсекелестік пен даңғазалыққа жол бермей, ысырапшылдықтан сақтану, дастарханды шамасына қарай ұйымдастыру қажеттігі ескертілді.

Имам көпшілікті ата-баба дәстүрін дін талаптарымен ұштастыра отырып, ас беру рәсімін сауапты амал мен ізгі дұғаға негіздеуге шақырды.

Меркі аудандық «Меркі ата» мешітінің баспасөз қызметі