«Жарас ата» мешітінің имамы Әбдуали Бейсеналиев ауыл тұрғындарына «Исламдағы бала тәрбиесі» тақырыбында насихат айтты.

Уағыз барысында бала тәрбиесінің отбасындағы маңызы, ата-ананың перзент алдындағы жауапкершілігі және ұрпаққа көркем мінез бен ізгі қасиеттерді үйрету мәселелері қозғалды.

Имам балаға жақсы тәрбие берудің тек ақыл айтумен шектелмейтінін, ата-ананың өз іс-әрекетімен үлгі болуы да маңызды екенін жеткізді. Сондай-ақ баланы имандылыққа, үлкенді құрметтеуге, кішіге ізет көрсетуге және адалдыққа баулудың маңызын атап өтті.

Насихат соңында ұрпақ тәрбиесіне бейжай қарамай, балаға дұрыс бағыт-бағдар беру әрбір ата-ананың ортақ міндеті екені айтылды.

Меркі аудандық «Меркі ата» мешітінің баспасөз қызметі