Меркі ауданының бас имамы Дәуіт Сейітқалұлы жас жұбайлардың некесін қиып, оларға отбасы құндылықтары жөнінде тағылымды насихат айтты.

Неке қию рәсімінен кейін бас имам ерлі-зайыптыларға отбасының берік болуы өзара сыйластыққа, сабырлылық пен түсіністікке байланысты екенін түсіндірді. Сондай-ақ ерлі-зайыптылардың бір-біріне деген жауапкершілігі, ата-ана алдындағы құрметі мен ұрпақ тәрбиесіндегі ортақ міндеттері туралы ой қозғады.

Қасиетті некенің маңыздылығына тоқталған Дәуіт Сейітқалұлы жас отбасыға баянды бақыт, береке-бірлік тілеп, шаңырақтарының шаттыққа толы болуын дұға етті.

Алла Тағала жас отбасыға екі дүниенің бақытын нәсіп етіп, шаңырақтарына береке берсін!

Меркі аудандық «Меркі ата» мешітінің баспасөз қызметі