Мойынқұм ауданына қарасты «Ратқұл ата» мешітінің имамы Алихан Жайлаубаевтың ұйымдастыруымен әйелдер жамағатына пәтуа сағаты өткізілді.

Рухани кездесуде ананың бала тәрбиесіндегі орны, әйелдің отбасындағы береке мен бірлікті сақтаудағы рөлі туралы кеңінен айтылды. Сонымен қатар бала бойына имандылық пен адамгершілік қасиеттерін сіңіруде ананың үлгі-өнегесі мен тәрбиесінің маңыздылығы түсіндірілді.

Жиын соңында қатысушылар өздерін толғандырған сұрақтарын қойып, тұшымды жауаптар алды.

Мойынқұм аудандық «Мойынқұм» мешітінің баспасөз қызметі.