Уақытты тиімді пайдалану мен намаз уақыттарын қадағалау – мешіт жұмысының маңызды бөлігі. Осы мақсатта Байзақ ауданы, Мәдімар ауылы,  «Мәдімар» мешітіне сағат уақып етіліп, игі іс жүзеге асырылды. Мешітке жасалған бұл тарту – сауапты іске қосылған үлес әрі жамағатқа көрсетілген құрметтің белгісі. Уақып етілген сағат мешіттің күнделікті қызметінде пайдаланылып, жамағаттың игілігіне қызмет етпек.

Ислам дінінде уақып жасау – көпшілікке пайдасы тиетін ізгі амалдардың бірі. Адамдарға қажетті дүниені сыйға тарту арқылы сауапты іске үлес қосу мұсылмандық құндылықтармен үндеседі.

Алла Тағала осы игі іске себепші болған азаматтың ниетін қабыл етіп, жасаған жақсылығына мол сауап жазсын! «Мәдімар» мешітінің берекесі артып, жамағаттың бірлігі нығая берсін!