Қордай ауданы, Әлжан ана ауылы «Құдайберген» мешітінің молдасы Саламат Сәлімұлының ұйымдастыруымен қайырымдылық шарасы жалғасын тапты. Игі шара аясында денсаулығында шектеуі бар екі балаға қаржылай көмек көрсетілді.

Әр балаға 20 000 теңгеден беріліп, жалпы көмек көлемі 40 000 теңгені құрады. Қайырымдылық – адамгершілік пен мейірімділіктің белгісі. Осындай игі істер арқылы көмекке мұқтаж жандарға қолдау көрсетіліп, қоғамда өзара жанашырлық пен ізгілік құндылықтары дәріптеледі.

Алла Тағала қайырымдылыққа үлес қосқан барша азаматтардың ниеттерін қабыл етіп, жасаған жақсылықтарын еселеп қайтарсын! Көмек алған балаларға шипа, отбасыларына сабыр мен күш-қуат нәсіп етсін!

Аудандық «Қордай» мешіті баспасөз қызметі