Мойынқұм аудандық «Мойынқұм» мешітінде бесін намазы уақытында жамағатқа уағыз-насихат айтылды.

Ауданның бас имамы Ержан Көшкімбай «Ысырапшылдық - шайтаннан» тақырыбында насихат жүргізіп, ислам дінінде үнемшілдік пен қанағатшылдықтың маңызына тоқталды. Сондай-ақ ас пен аста-төк дастархан жасауда, күнделікті тұрмыста және дүние-мүлікті пайдалануда ысырапқа жол бермеудің қажеттігін түсіндірді.

Бас имам жамағатты қолда бар нығметтің қадірін білуге, үнемшілдікке үйреніп, игілікті істерге ұмтылуға шақырды.

Мойынқұм аудандық «Мойынқұм» мешітінің баспасөз қызметі.