Қордай ауданы, Әлжан ана ауылы «Құдайберген» мешітінің молдасы Саламат Сәлімұлының ұйымдастыруымен ауыл бейітінің аумағында сенбілік және тазалық жұмыстары жүргізілді. Игі шара барысында бейіттің айналасы тазартылып, тазалық жұмыстары атқарылды. Сонымен қатар бейіттің дарбазасы жаңартылды.

Аталған жұмыстарға ауыл жамағаты белсене атсалысып, ортақ іске өз үлестерін қосты. Дарбазаны жаңартуға жұмсалған қаражат көлемі 300 мың теңгені құрады. Осындай сауапты істер – өткенге құрмет көрсетіп, кейінгі ұрпаққа өнеге боларлық игі амалдардың бірі.

Алла Тағала осы іске атсалысқан барша азаматтардың ниеттерін қабыл етіп, еңбектеріне береке берсін! Өткен марқұмдардың жатқан жерлері жайлы, топырақтары торқа, қабірлері нұрлы болсын!

Аудандық «Қордай» мешіті баспасөз қызметі