Мойынқұм аудандық «Мойынқұм» мешітінде жамағат дастархан басында бас қосып, рухани тағылымға толы кездесу өткізді.

Басқосу барысында ауданның бас имамы Ержан Көшкімбай жамағатқа уағыз-насихат айтып, имандылық, бірлік пен бауырмалдықтың маңызына тоқталды. Сондай-ақ мұсылмандық әдепті сақтау, ізгі амалдарды көбейту және мешіт төңірегіндегі татулықты нығайту жөнінде насихат айтты.

Жылы жүздесу жамағат арасындағы ынтымақты арттырып, рухани байланысты нығайтуға ықпал етті.

Мойынқұм аудандық «Мойынқұм» мешітінің баспасөз қызметі.