Екпінді ауылындағы «Рахымбай ата» мешітінің аумағында тазалық және абаттандыру жұмыстары атқарылды. Жұмыс барысында діретхананың қабырғалары әктеліп, мешіт қоршауы сырланып, ғимараттың сыртқы келбеті ретке келтірілді.

Игі іске атсалысқан азаматтардың мақсаты – мешіт аумағын таза әрі көрікті ұстау, жамағатқа қолайлы жағдай жасау. Өйткені тазалық сақтау – мұсылманға тән ізгі қасиеттердің бірі.

Алла Тағала мешітті көркейтуге үлес қосқан барша азаматтың еңбегіне береке беріп, сауаптан жазсын!

Меркі аудандық «Меркі ата» мешітінің баспасөз қызметі