«Кәрібай молда» мешітінің имамы Аят Алмаханов жамағатқа «Әлеуметтік желіні қолдану тәртібі» тақырыбында уағыз-насихат жүргізді.

Уағыз барысында әлеуметтік желіні дұрыс пайдалану, ақпарат таратудағы жауапкершілік, желідегі әдеп пен адамгершілік құндылықтарды сақтау мәселелері кеңінен түсіндірілді.

«Әлеуметтік желідегі мәдениет – адамның ішкі мәдениетінің көрінісі. Ақпаратты тексеру – жауапкершілік, көркем сөйлеу – әдеп, өзгенің абыройын сақтау – адамгершілік, уақытты бағалау – парасат, ал әлеуметтік желіні игілікке пайдалану – саналы азаматтың белгісі», – деді имам.

Уағыз соңында жамағатқа әлеуметтік желіні ізгілік пен пайдалы ақпарат таратуға пайдаланып, әрбір сөз бен әрекетке жауапкершілікпен қараудың маңыздылығы насихатталды.

Шу аудандық «Жәми» мешітінің баспасөз қызметі.