Талас ауданы. Аққұм ауылындағы Тұңғатар ата мешітінде жамағатқа ізгілік пен имандылықты дәріптеген уағыз айтылды. Дәурен имам қазақ халқының салт-дәстүрлері мен асыл дініміздің өзара үндестігіне тоқталып, ұлттық құндылықтарды сақтаудың, әрі келер ұрпаққа насихаттаудың маңыздылығын жеткізді.

Сондай-ақ үлкенге құрмет, кішіге ізет көрсету, ата-ананы сыйлау, бірлік пен татулықты сақтау секілді ізгі қасиеттердің дінімізде де, дәстүрімізде де айрықша орын алатынын атап өтті. Ұлттық құндылықтарымызды ұлықтап, асыл дініміздің өнегесін ұрпақ санасына сіңіру – рухани тәрбиенің маңызды бөлігі екендігін тілге тиек етті.

"Тұңғатар ата" мешіті баспасөз қызметі.