Байзақ ауданына қарасты Абай ауылы «Жаныс баба» мешітінде зерделеу жұмыстарын Байзақ ауданының іс басқарушысы Арман Ерболұлы мен «Дәстүр және отбасы» бөлімінің жетекшісі Бақытбек Бауыржанұлы жүргізді. Зерделеу барысында мешіттегі бейнебақылау камераларының жұмысы тексеріліп, олардың талапқа сай орнатылуы мен жұмыс істеу жағдайы қаралды.

Сонымен қатар, мешітке келушілердің намазға уақытылы өтуі, жамағаттың намазға қатысу белсенділігі және мешіттегі ішкі тәртіп мәселелері назарға алынды. Жүргізілген зерделеу нәтижесінде мешіт қызметін жетілдіру бағытында тиісті ұсыныстар айтылды.