Жамбыл облысы, Байзақ ауданы, Байзақ ауылы «Тілеш қажы» мешітінде нәзік жандыларға арналған «Ажырасу – Алла сүймейтін іс» тақырыбында семинар өтті. Семинарға спикер ретінде «Һибатулла Тарази» мешітінің ұстазы Аружан Айтбаева қатысып, отбасы құндылықтары мен шаңырақтың беріктігі жөнінде насихат айтты.

Кездесу барысында ерлі-зайыптылар арасындағы сыйластық, өзара түсіністік, сабыр мен кешірімділіктің маңызы түсіндірілді. Сондай-ақ отбасындағы келіспеушіліктерді даналықпен шешу, бала тәрбиесіне жауапкершілікпен қарау және ажырасудың алдын алу мәселелері қозғалды. Тағылымды семинардың мақсаты – әйелдер арасында отбасы құндылықтарын дәріптеу, ұлттық тәрбие мен рухани өнегені насихаттау және берекелі шаңырақтың қалыптасуына үлес қосу.