Жамбыл облысының бас имамы Асқар Зәкіржанұлы Байзақ аудандық әйел-қыздар секторының жетекшісі Жанат Әмірханқызын арнайы марапаттады.

Марапаттау барысында Жанат Әмірханқызының әйелдер арасында діни-ағартушылық жұмыстарды жүргізіп, имандылық пен ізгілік құндылықтарын насихаттауға қосып жүрген үлесі атап өтілді. Сондай-ақ, әйел жамағатының рухани білімін арттыру, ұлттық және отбасылық құндылықтарды дәріптеу бағытындағы еңбегіне алғыс білдірілді.

Ізгі шара соңында облыс бас имамы Жанат Әмірханқызына қызметіне табыс, еңбегіне береке тілеп, игі істерінің жалғасын табуына тілектестік білдірді.