Жамбыл облысының бас имамы Асқар Зәкіржанұлы Байзақ ауданы, Байзақ ауылы, «Тілеш қажы» мешітінде өткен «Адамзаттың асыл тәжі» атты облыстық діни білім сайысына қатысқан нәзік жандылармен кездесіп, тағылымды насихат айтты.

Кездесу барысында имандылықтың маңызы, мұсылман әйелінің қоғамдағы орны, отбасы құндылықтары мен бала тәрбиесі жайында сөз қозғалды. Сондай-ақ діни білімді жетілдірудің, көркем мінезді қалыптастырудың және ұлттық құндылықтарды дәріптеудің маңыздылығына тоқталды.

Облыс бас имамы нәзік жандыларды ізгілікке ұмтылып, алған білімдерін өмірде қолдануға шақырды. Кездесу соңында қатысушыларға рухани тәрбиенің мәні мен маңызы жөнінде тағылымды ойлар айтылды.