Қордай ауданының бас имамы Азамат Абдразахов Кенен ауылындағы «Кенен» мешітіне арнайы іс сапармен барып, мешіттің тыныс-тіршілігімен танысты. Сапар барысында аудан бас имамы мешіттің жалпы жағдайын зерделеп, тазалығы мен тәртібіне, құлшылық жасауға қолайлы жағдайдың қалыптасуына назар аударды.

Сонымен қатар мешіт қызметінің жүйелі жүргізілуі мен діни жұмыстардың ұйымдастырылу барысына көңіл бөлді. Мұндай зерделеу жұмыстарының мақсаты — аудан мешіттеріндегі діни қызметтің сапасын арттыру, мешіттердің жағдайын бақылау және имандылық бағытындағы жұмыстардың тиісті деңгейде жүзеге асуына ықпал ету.

Алла Тағала ауданымыздағы барша мешіттердің қызметіне береке беріп, имандылық жолындағы игі істерді қабыл етсін! Елімізге тыныштық, халқымызға амандық, жамағатымызға ынтымақ пен бірлік нәсіп етіп, баршамызды екі дүниенің жақсылығына кенелтсін!

Аудандық «Қордай» мешітінің баспасөз қызметі