Қордай ауданы, аудандық «Қордай» мешітінде қыс мезгіліне дайындық жұмыстары жүйелі түрде жүргізілуде. Аудан бас имамы Азамат Берікұлының бастамасымен мешіт аумағын абаттандыру, ғимараттың сыртқы келбетін ретке келтіру және есіктерін күтіп-баптау жұмыстары қолға алынды.

Жұмыс барысында мешіттің есіктері өңдеуден өткізіліп, олардың күтімі мен сыртқы көрінісіне назар аударылды. Сонымен қатар мешіттің айналасын ретке келтіру жұмыстары жүргізілді. Бұл шаралар ғимараттың тазалығы мен көркін сақтауға, сондай-ақ қысқы маусымға қолайлы жағдай жасауға бағытталған.

Мешіттің күтімі мен тазалығын сақтау — жамағатқа қолайлы жағдай жасаудың маңызды бөлігі. Осы бағыттағы жұмыстар алдағы уақытта да жалғасын тауып, мешіттің жағдайын жақсартуға үлес қоса бермек.

Аудандық «Қордай» мешіті баспасөз қызметі