Шу аудандық «Жәми» мешітінде «10 жылда – 10 сауапты жоба» аясында әйел-қыздар жамағатының ұйымдастыруымен бірқатар қайырымдылық шаралары өткізілді.

Игілікке бағытталған шаралар барысында мұқтаж отбасылардың үйлеріндегі терезелер жаңартылып, қысқы маусымға дайындық ретінде көмір жеткізілді. Сонымен қатар әлеуметтік жағдайы төмен отбасылардың балаларына киім-кешек пен аяқ киім табысталды.

Сондай-ақ қайырымдылық жәрмеңкесі ұйымдастырылып, одан түскен қаражат ем қабылдап жатқан жандарға көмек ретінде берілді.

Қайырымдылық шараларының мақсаты – мұқтаж жандарға қолдау көрсетіп, қоғамда мейірімділік пен жанашырлық құндылықтарын дәріптеу болпы.

Шу аудандық «Жәми» мешітінің баспасөз қызметі.