Тараз қаласының бас имамы Ержан Маханұлы Аққұм ауылындағы «Тұңғатар ата» мешітіне арнайы барып, құлшылық ордасының тыныс-тіршілігімен танысты.

Аралау барысында бас имам мешіттің ішкі және сыртқы жағдайын толық зерделеп, тазалығы мен күтіміне назар аударды. Атап айтқанда, құлшылық залы, қосымша бөлмелері мен мешіт аумағының жай-күйін бағамдап, жамағатқа қолайлы жағдай жасалуына мән берді. Сонымен қатар мешіт ғимаратының ұқыпты күтіп-ұсталуы, тазалық талаптарының сақталуы және келушілерге жайлы орта қалыптастыру мәселелері назардан тыс қалмады.

Құлшылық орнының көркі мен жинақылығы мешітке келетін жамағат үшін маңызды екені ескеріліп, осы бағыттағы жұмыстардың маңыздылығы атап өтілді. Сапар соңында Ержан Маханұлы мешіттің тыныс-тіршілігіне қатысты мәселелермен танысып, құлшылық ордасының күтімі мен тазалығын тұрақты назарда ұстаудың маңыздылығын атап өтті.

Мешіт – рухани тәрбие мен имандылықтың ордасы. Сондықтан оның тазалығы мен тәртібін сақтау, жамағатқа қолайлы жағдай жасау және ғимараттың күтіміне жауапкершілікпен қарау – ортақ міндет.

Аудандық Қаратау қажы би мешіті баспасөз қызметі.