Тараз қаласындағы «Айсұлу ана» мешітінің имамы Сәкен Сейдкаримов Майтөбе ауылындағы мешітке арнайы барып, жұма намазын жүргізді. Жұма намазы алдында жамағатқа «Адал еңбек – берекенің бастауы» тақырыбында тағылымды уағыз-насихат айтты.

Уағыз барысында адал кәсіптің қадірі, маңдай термен табыс табудың маңызы және еңбексүйгіштіктің адам өміріндегі орны кеңінен түсіндірілді. Сәкен имам адал еңбек етудің тек материалдық игілікке қол жеткізу емес, сонымен қатар адам бойындағы жауапкершілік пен шынайылықты қалыптастыратын маңызды құндылық екенін жеткізді.

Сондай-ақ әрбір мұсылманды өз ісіне адал болуға, өзгеге пайдасын тигізуге және адал жолмен нәпақа табуға үндеді. Тағылымды уағыздан кейін Сәкен Сейдкаримов жұма намазын жүргізіп, ауыл жамағатымен бірге құлшылық жасады.

Аудандық Қаратау қажы би мешіті баспасөз қызметі.