Жамбыл облысы Байзақ ауданының бас имамы, РАНТ мүшесі Қанат Жұмағұл ұстаз Ақкөл ауылындағы мешітке арнайы барып, жұма намазын жүргізді. Сапар барысында бас имам жамағатпен жүздесіп, жұма намазына қатысты діни рәсімдерді атқарды.

Сонымен қатар Қанат Жұмағұл ұстаз мешіттің жалпы жағдайымен танысып, құлшылық залы, дәретханасы, ауласы және басқа да бөлмелерін аралап, тазалығы мен күтімін зерделеді. Мешіттің жай-күйіне назар аудару, тазалықты сақтау және жамағатқа қолайлы жағдай жасау мәселелері қарастырылды.

"Ақкөл" мешітінің баспасөз қызметі.