"Әс-Сәләм" мешітінде абаттандыру жұмыстары жүргізілді. Әс-Сәләм» мешітінде жамағатқа қолайлы жағдай жасау мақсатында бірқатар жұмыстар атқарылды. Атап айтқанда, мешіттің кіреберіс бөлігі жаңартылып, пластик терезелермен қоршалды. Сонымен қатар, азан мен діни уағыздардың дауысын жеткізуге арналған 6 дыбыс зорайтқыш құрылғы орнатылды.

Аталған жұмыстар мешіттің жағдайын жақсартуға, жамағатқа қолайлы орта қалыптастыруға және діни іс-шараларды ұйымдастыруға мүмкіндік береді.

Мешіттің көркеюіне үлес қосқан барша азаматтарға Алла разы болсын! Алдағы уақытта да осындай игі істер жалғасын таба берсін.