Қордай ауданының бас имамы Азамат Берікұлы аудан аумағында орналасқан халал сертификатына ие «Эко Чикен» құс шаруашылығы кәсіпорнына арнайы барып, кәсіпорынның тыныс-тіршілігімен танысты.

Сапар барысында құс шаруашылығы саласындағы жұмыстарға назар аударылып, халал талаптарының сақталуы мен адал өнім өндірудің маңыздылығы сөз болды.

Ислам дінінде адал ас тұтынудың орны ерекше екені айтылып, кәсіпорын жұмысына береке тілінді. Алла Тағала адал кәсіптің берекесін арттырып, ел игілігі жолындағы еңбектерге табыс нәсіп етсін!

Аудандық «Қордай» мешіті баспасөз қызметі