Жуалы ауданы, Бауыржан Момышұлы ауылының «Толымбай тегі Зиябек» мешітінде «Мектепке жол» акциясы аясында қайырымдылық шарасы ұйымдастырылды. Шара барысында 27 балаға мектепке қажетті оқу құралдары мен керек-жарақтар табысталды.

Ұйымдастырылған қайырымдылыққа жалпы 320 000 теңге қаражат жұмсалды. Игі бастаманы аудан бас имамы Есет Тұрдыбайұлы ұйымдастырып, балаларға қажетті заттарды табыстады.

Қайырымдылық шарасы барысында балаларға білім алудың маңыздылығы түсіндіріліп, жаңа оқу жылында жақсы нәтижеге жетулеріне тілектестік білдірілді.

Жуалы аудандық мешітінің баспасөз қызметі.