Шу қаласындағы «Тоғай» мешітінде Пайғамбарымыз Мұхаммедтің (с.а.с.) дүниеге келген күніне арналған Мәуліт кеші өтті.

Рухани шараға мешіт жамағаты, ақсақалдар, жастар және қала тұрғындары қатысты. Кеш Құран аяттарын оқумен басталып, Мәуліт жыры айтылып, Алла Елшісінің (с.а.с.) өнегелі өмірі мен көркем мінезі туралы уағыз-насихат айтылды.

Шараға Шу аудандық мешітінің имамы Алмас Рысханұлы, «Төле би» мешітінің имамы Талғат Кәрібайұлы қатысып, жамағатқа ізгі тілектерін білдірді. Кеш соңында ел амандығы мен бірлігі үшін дұға жасалып, дастарқан жайылды.

Шу аудандық «Жәми» мешітінің баспасөз қызметі