Қарттар күніне орай Шу ауданындағы «Төле би» мешітінде үлкендерге құрмет көрсету мақсатында арнайы қайырымдылық шарасы ұйымдастырылды.

Ізгі шара Гүлжан Сағындыққызының ұйымдастыруымен өтіп, мешітке келген қарияларға сый-сияпаттар табысталды. Шара барысында үлкендердің хал-жағдайы сұралып, ақыл-кеңестері тыңдалды. Қарияларға деген құрмет – халқымыздың ежелден келе жатқан ізгі дәстүрлерінің бірі екені айтылып, оларға зор денсаулық, ұзақ ғұмыр және отбасыларына амандық тілектер білдірілді.

Жастарға ақ батасын беріп, ізгі тілегін жеткізген қариялар ұйымдастырушыларға ризашылықтарын білдірді.

Осындай шаралар арқылы үлкенге құрмет көрсету, ізет білдіру және ұрпақтар сабақтастығын нығайтуға үлес қосу көзделеді.

Шу аудандық «Жәми» мешітінің баспасөз қызметі.