Қордай ауданының бас имамы Абдразахов Азамат Сортөбе ауылындағы «Сортөбе» мешітіне арнайы іссапармен барып, мешіттің тыныс-тіршілігімен танысты.

Сапар барысында аудан бас имамы мешіт жамағатымен кездесіп, имандылық, ауызбіршілік пен өзара сыйластықтың маңызы жөнінде насихат айтты. Сонымен қатар, жамағатты діни білімді арттыруға, мешітке тұрақты келіп, береке-бірлікті нығайтуға шақырды.

Кездесу соңында жамағатпен бірге дұға жасалып, елдің амандығы мен жұрттың тыныштығы тіленді. Алла Тағала елімізге тыныштық, халқымызға амандық беріп, мешіттеріміздің берекесін арттырғай!

Аудандық «Қордай» мешіті баспасөз қызметі