Жамбыл облысы, Жуалы ауданындағы «Толымбай тегі Зиябек» мешітінің әйел-қыздар секторының 10 жылдығына орай оқушылар арасында Құран сүрелерін жатқа оқу жарысы ұйымдастырылды.

Байқауды мешіттің әйел-қыздар секторының ұстазы Смағамбетова Клара ұйымдастырды. Жарыс барысында қатысушылар «Фәжр» және «Нас» сүрелерін жатқа оқудан өзара бақ сынады.

Жарысқа Жамбыл облысы әйел-қыздар секторының ұстазы Иманалиева Жазира және «Толымбай тегі Зиябек» мешітінің ұстазы Алпысбаева Айгерім төрелік етті.

Байқау қорытындысында І орынды Есімбетова Ақмарал, ІІ орынды Нағашбекова Бибігүл, ІІІ орынды Аймурзаева Разия иеленді.

Жүлдегерлерге алғыс хатпен қатар кітаптар сыйға тартылды. Ал жарысқа қатысқан өзге оқушыларға ынталандыру мақсатында алғыс хаттар табысталды.

Іс-шараның мақсаты – оқушылардың Құранға деген сүйіспеншілігін арттырып, сүрелерді жаттауға ынталандыру және діни сауаттылығын жетілдіру аясында өтті.

Жуалы аудандық мешітінің баспасөз қызметі.