Қордай ауданының бас имамы Абдразахов Азамат Отар ауылындағы «Имам Ағзам Абу Ханифа» мешітіне арнайы барып, мешіт жұмысымен танысты және зерделеу жұмыстарын жүргізді.

Мешіт имамы Рахимбердиев Рахат аудан бас имамына мешіттің, мешіт жанындағы асхананың тыныс-тіршілігін таныстырып, атқарылып жатқан діни-ағартушылық жұмыстар жөнінде ақпарат берді. Зерделеу барысында мешіттің жамағатпен байланысы, діни насихат жұмыстары, тазалық пен тәртіп мәселелері қаралды.

Сонымен қатар алдағы уақытта атқарылатын жұмыстар бойынша тиісті бағыт-бағдар берілді. Алла Тағала мешіттерімізге береке беріп, атқарылып жатқан игі істерді қабыл етсін! Имамдарымызға күш-қуат, жамағатымызға ауызбіршілік, ел-жұртымызға амандық пен тыныштық нәсіп етсін!

Аудандық «Қордай» мешіті баспасөз қызметі